రాష్ట్ర ఆర్థిక శాఖ మంత్రి పయ్యావుల కేశవ్ చొరవతో ఉరవకొండ ప్రభుత్వ పాలిటెక్నిక్ కళాశాలకు రూ.40 లక్షలు పరికరాలు మంజూరు
ప్రభుత్వ పాలిటెక్నిక్ కళాశాలకు రూ.40 లక్షలు పరికరాలను సమకూర్చనున్న కియా
కార్పొరేట్ సోషల్ రెస్పాన్సిబిలిటీ స్కీం కింద కుదిరిన ఎంవోయూ
రాష్ట్ర ఆర్థిక & ప్రణాళిక, వాణిజ్య పన్నులు మరియు శాసనసభ వ్యవహారాల శాఖ మంత్రివర్యులు పయ్యావుల కేశవ్ కి కృతజ్ఞతలు తెలిపిన ప్రిన్సిపాల్
ఉరవకొండ: ఏప్రిల్ 10 (ప్రజాతేజం)
రాష్ట్ర ఆర్థిక & ప్రణాళిక, వాణిజ్య పన్నులు మరియు శాసనసభ వ్యవహారాల శాఖ మంత్రివర్యులు పయ్యావుల కేశవ్ ప్రత్యేక చొరవతో ఉరవకొండ మండల పరిధిలోని చిన్నముష్టూరు గ్రామంలోగల ప్రభుత్వ పాలిటెక్నిక్ కళాశాలకు రూ.40 లక్షలు పరికరాలు మంజూరు అయ్యాయి. గురువారం ఈ విషయమై అనంతపురం నగరంలోని రాష్ట్ర ఆర్థిక శాఖ మంత్రి క్యాంపు కార్యాలయంలో పాలిటెక్నిక్ కళాశాల ప్రిన్సిపాల్ కె. ఆశ్రఫ్ అలీ, ట్రిపుల్ ఇఇఇ విభాగాధిపతి వై.సురేష్బాబు, జనరల్ సెక్షన్ శాఖాధిపతి వి.నరసింహారెడ్డి, తదితరులు రాష్ట్ర ఆర్థిక మంత్రి పయ్యావుల కేశవ్ గారిని మర్యాదపూర్వకంగా కలిసి ప్రభుత్వ పాలిటెక్నిక్ కళాశాలకు రూ.40 లక్షలు పరికరాలు మంజూరు చేయించడం పట్ల ప్రత్యేక కృతజ్ఞతలు తెలియజేశారు.
ఉరవకొండ ప్రభుత్వ పాలిటెక్నిక్ కళాశాలకు శ్రీసత్యసాయి జిల్లా పెనుగొండ అయ్యవారిపల్లి వద్ద గల కియా ఇండియా ప్రైవేటు లిమిటెడ్ కంపెనీ కార్పొరేట్ సోషల్ రెస్పాన్సిబిలిటీ స్కీం కింద 40 లక్షల రూపాయలు విలువగల ప్రయోగశాల పరికరాలు, యంత్రాలను సమకూర్చనుంది. గురువారం కియా కంపెనీలో జరిగిన కార్యక్రమంలో కళాశాల ప్రిన్సిపాల్ కె. ఆశ్రఫ్ అలీ కియా ఇండియా కంపెనీ ప్రతినిధులతో కంపెనీ ఉన్నత సలహాదారుడు యోన్గిల్ మా, సి.ఎస్.ఆర్ అధికార ప్రతినిధులు జి.రవిశంకర్ రెడ్డి, పి.వీరేంద్ర సమక్షంలో ఎంవోయూ కుదుర్చుకున్నారు. ఈ సందర్భంగా ప్రభుత్వ పాలిటెక్నిక్ కళాశాల ప్రిన్సిపాల్ కె. ఆశ్రఫ్ అలీ, ట్రిపుల్ ఇఇఇ విభాగాధిపతి వై.సురేష్బాబు, జనరల్ సెక్షన్ శాఖాధిపతి వి.నరసింహారెడ్డి తదితరులు మాట్లాడుతూ రాష్ట్ర ఆర్థిక మంత్రి పయ్యావుల కేశవ్ ప్రత్యేక చొరవతో పాలిటెక్నిక్ కళాశాలకు విలువైన ప్రయోగశాల పరికరాలు, యంత్రాలు సమకూరనున్నాయన్నారు. మంత్రి పయ్యావుల కేశవ్ కి ప్రత్యేక కృతజ్ఞతలు తెలియజేస్తున్నామన్నారు. కియా కంపెనీ వారికి కూడా కృతజ్ఞతలు తెలిపారు.
